mudā karātha modakam
mudā-karātta-modakam sadā vimukti-sādhakam
kalā-dharāvatamsakam vilāsi-loka-rakssakam |
anāyakaika-nāyakam vināshitebha-daityakam
natāshubhāshu-nāshakam namāmi tam vināyakam ||1||
natetarāti-bhīkaram navoditārka-bhāsvaram
namat-surāri-nirjaram natādhikāpa duddharam |
sureshvaram nidhīshvaram gajeshvaram ganneshvaram
maheshvaram tamāshraye parātparam nirantaram ||2||
samasta-loka-shankaram nirasta-daitya-kunjaram
daretarodaram varam varebha-vaktramakssaram |
krpākaram kssamākaram mudākaram yashaskaram
manas-karam namas-krtām namas-karomi bhāsvaram ||3||
akincanārti-mārjanam cirantanokti-bhājanam
purāri-pūrva-nandanam surāri-garva-carvannam |
prapanca-nāsha-bhīssannam dhananjayādi-bhūssannam
kapola-dāna-vārannam bhaje purānna-vārannam ||4||
nitānta-kānta-danta-kāntim-antakānta kātmajam
acintya-rūpamanta-hīnam-antarāya-krntanam |
hrd-antare nirantaram vasantam-eva yoginām
tam eka-dantam-eva tam vicintayāmi santatam ||5||
mahā-gannesha-panca-ratnamādarenna yonvaham
prajalpati prabhātake hrdi smaran ganneshvaram |
arogitām-adossatām su-sāhitiim su-putratām
samāhita-ayur-asstta-bhūtimabhy-upaiti socirāt ||6||
गणेशपञ्चरत्नम् - मुदाकरात्तमोदकं
मुदाकरात्तमोदकं सदा विमुक्तिसाधकं
कलाधरावतंसकं विलासिलोकरक्षकम् ।
अनायकैकनायकं विनाशितेभदैत्यकं
नताशुभाशुनाशकं नमामि तं विनायकम् ॥१॥
नतेतरातिभीकरं नवोदितार्कभास्वरं
नमत्सुरारिनिर्जरं नताधिकापदुद्धरम् ।
सुरेश्वरं निधीश्वरं गजेश्वरं गणेश्वरं
महेश्वरं तमाश्रये परात्परं निरन्तरम् ॥२॥
समस्तलोकशंकरं निरस्तदैत्यकुञ्जरं
दरेतरोदरं वरं वरेभवक्त्रमक्षरम् ।
कृपाकरं क्षमाकरं मुदाकरं यशस्करं
मनस्करं नमस्कृतां नमस्करोमि भास्वरम् ॥३॥
अकिंचनार्तिमार्जनं चिरन्तनोक्तिभाजनं
पुरारिपूर्वनन्दनं सुरारिगर्वचर्वणम् ।
प्रपञ्चनाशभीषणं धनंजयादिभूषणम्
कपोलदानवारणं भजे पुराणवारणम् ॥४॥
नितान्तकान्तदन्तकान्तिमन्तकान्तकात्मजं
अचिन्त्यरूपमन्तहीनमन्तरायकृन्तनम् ।
हृदन्तरे निरन्तरं वसन्तमेव योगिनां
तमेकदन्तमेव तं विचिन्तयामि सन्ततम् ॥५॥
महागणेशपञ्चरत्नमादरेण योऽन्वहं
प्रजल्पति प्रभातके हृदि स्मरन् गणेश्वरम् ।
अरोगितामदोषतां सुसाहितीं सुपुत्रतां
समाहितायुरष्टभूतिमभ्युपैति सोऽचिरात् ॥६॥
Comments
Post a Comment