Shiva Panchakshara Stotram
ॐ नाम सिवाय सिवाय नाम ॐ
ॐ नाम सिवाय सिवाय नाम ॐ
oṃ namaḥ śivāya śivāya namaḥ oṃ
oṃ namaḥ śivāya śivāya namaḥ oṃ
नागेन्द्रहाराय त्रिलोचनाय
भस्माङ्गरागाय महेश्वराय ।
नित्याय शुद्धाय दिगम्बराय
तस्मै न_काराय नमः शिवाय ॥१॥
nāgendrahārāya trilochanāya
bhasmāṅgarāgāya maheśvarāya |
nityāya śuddhāya digambarāya
tasmai "na" kārāya namaḥ śivāya ‖ 1 ‖
मन्दाकिनीसलिलचन्दनचर्चिताय
नन्दीश्वरप्रमथनाथमहेश्वराय ।
मन्दारपुष्पबहुपुष्पसुपूजिताय
तस्मै म_काराय नमः शिवाय ॥२॥
mandākinī salila chandana charchitāya
nandīśvara pramathanātha maheśvarāya |
mandāra mukhya bahupuśhpa supūjitāya
tasmai "ma" kārāya namaḥ śivāya ‖ 2 ‖
शिवाय गौरीवदनाब्जवृन्द_
सूर्याय दक्षाध्वरनाशकाय ।
श्रीनीलकण्ठाय वृषध्वजाय
तस्मै शि_काराय नमः शिवाय ॥३॥
śivāya gaurī vadanābja bṛnda
sūryāya dakśhādhvara nāśakāya |
śrī nīlakaṇṭhāya vṛśhabhadhvajāya
tasmai "śi" kārāya namaḥ śivāya ‖ 3 ‖
वशिष्ठकुम्भोद्भवगौतमार्य_
मूनीन्द्रदेवार्चितशेखराय ।
चन्द्रार्कवैश्वानरलोचनाय
तस्मै व_काराय नमः शिवाय ॥४॥
vaśiśhṭha kumbhodbhava gautamārya
munīndra devārchita śekharāya |
chandrārka vaiśvānara lochanāya
tasmai "va" kārāya namaḥ śivāya ‖ 4 ‖
यज्ञस्वरूपाय {यक्षस्वरूपाय} जटाधराय
पिनाकहस्ताय सनातनाय ।
दिव्याय देवाय दिगम्बराय
तस्मै य_काराय नमः शिवाय ॥५॥
yaGYa svarūpāya jaṭādharāya
pināka hastāya sanātanāya |
divyāya devāya digambarāya
tasmai "ya" kārāya namaḥ śivāya ‖ 5 ‖
पञ्चाक्षरमिदं पुण्यं यः पठेच्छिवसंनिधौ ।
शिवलोकमावाप्नोति शिवेन सह मोदते ॥६॥
pañchākśharamidaṃ puṇyaṃ yaḥ paṭhecChiva sannidhau |
śivalokamavāpnoti śivena saha modate ‖
Comments
Post a Comment