Lalitha Navaratna Mala

हार नूपुर किरीट कुण्डल विभूषितावयव शोभिनीम्
कारणेश वर मौलिकोटि परिकल्प्यमान पदपीठिकाम् |
काल काल फणिपाश बाण धनुरङ्कुशाम् अरुण मेखलाम्
फालभूतिलक लोचनाम् मनसि भावयामि परदेवताम् || 1  ||

hāra nūpura kirīta kundala vibhūshithā vayava shobhinīm
kāranesha vara maulikoti parikalpyamāna padapītikām |
kāla kāla phanipāsha bāna dhanurankushā maruna mekhalām
phāla bhū tilaka lochanām manasi bhāvayāmi paradevatām || 1  ||

गन्धसार घनसार चारु नवनागवल्लि रस वासिनीम्
सान्ध्यराग मधुराधराभरण सुन्दरानन शुचिस्मिताम् |
मन्धरायत विलोचनम् अमल बालचन्द्र कृतशेखारीम्
इन्दिरारमण सोदरीम् मनसि भावयामि परदेवताम् || 2  ||

gandhasāra ghanasāra chāru nava nāgavalli rasavāsinīm
sāndhya rāga madhurā dharā bharana sundarānana shuchismitām |
mandharāyata vilochanā mamala bāla chandra kruta shekharīm
indirā ramana sodarīm manasi bhāvayāmi paradevatām || 2  ||

स्मेरचारु मुखमण्डलाम् विमल गण्डलम्बि मणिमण्डलाम्
हारदाम  परिशोभमान कुचभारभीरुतनु मध्यमाम् |
वीरगर्वहरनूपुराम् विविध कारणेश वरपीठिकाम्
मारवैरि सहचारिणीम् मनसि भावयामि परदेवताम || 3  ||

smera chārumukha mandalām vimala gandalambi mani mandalām
hāradāma pari shobhamāna kuchabhāra bhīrutanu madhyamām
vīra garvahara nūpurām vividhakāranesha vara pītikām
māra vairi sahachārinīm manasi bhāvayāmi paradevatām || 3  ||

भूरिभार धरकुण्डलीन्द्र मणिबद्ध भुवलयपीठिकाम्
वारिराशिमणिमेखलावलय वह्निमण्डलि शरीरिणीम् |
वारिसारवहकुण्डलाम् गगनशेखारीम् च परमात्मिकाम्
चारुचन्द्ररविलोचनाम् मनसि भावयामि परदेवताम् || 4  ||

Bhūribhāra dharakundalīndra manibaddha bhūvalaya pīthikām
vārirāshi manimekhalā valaya vahni mandala sharīrinīm
vāri sāravaha kundalām gagana shekharīm cha paramātmikām
chāruchandra ravilochanām manasi bhāvayāmi paradevatām || 4  ||

कुण्डल त्रिविधकोण मण्डल विहार षड्दल समुल्लसत्
पुण्डरीक  मुखभेदिनीम् च प्रचण्डभानु तडितोज्ज्वलाम् |
मण्डलेन्दु परिवाहितामृत  तरङ्गिणीम् अरुणरूपिणीम्
मण्डलान्त मणिदीपिकाम् मनसि भावयामि परदेवताम् || 5 ||

kundala trividhakona mandala vihāra shaddala samullasat
pundarīka mukhabhēdinīm cha prachandabhānu taditojjvalām |
mandalendu parivāhitāmruta taranginīm aruna rūpinīm
mandalānta manidīpikām manasi bhāvayāmi paradevatām || 5  ||

वारणानन मयूरवाहमुख  दाहवारण  पयोधराम्
चारणादि सुरसुन्दरी चिकुरशेकरीकृत पदाम्बुजाम् |
कारणादि पतिपञ्चक प्रकृति कारण प्रथममातृकाम्
वारणान्त मुखपारणाम् मनसि भावयामि परदेवताम् || 6  ||

vāranānana mayūravāha mukha dāhavārana payodharām
chāranādi surasundarī chikura shekarī kruta padāmbujām
kāranādhipati panchaka prakruti kārana prathama mātrukām
vāranānta mukhapāranām manasi bhāvayāmi paradevatām || 6  ||

पद्मकान्ति पदपाणिपल्लव पयोधरानन सरोरुहाम्
पद्मराग मणिमेखला वलयनीवीशोभित नितम्बिनीम् |
पद्मसम्भव सदाशिवान्तमय पञ्चरत्न पदपीठिकाम्
पद्मिनीम् प्रणवरूपिणीम् मनसि भावयामि परदेवताम् || 7  ||

padma kānti pada pānipallava payodharānana saroruhām
padmarāga manimekhalā valayanī vishobhita nitambinīm |
padmasambhava sadā shivāntamaya pancharatna padapītikām
padminīm pranava rūpinīm manasi bhāvayāmi paradevatām || 7  ||


आगम प्रणवपीठिकाम् अमल वर्णमङ्गळ  शारीरिणीम्
आगमावयव शोभिनीम् अखिल वेदसारकृतशेखरीम् |
मूलमन्त्र मुखमण्डलाम् मुदित नादबिन्दु नवयौवनाम्
मातृकाम् त्रिपुरसुन्दरीम् मनसि भावयामि परदेवताम्  || 8  ||

āgama pranava pīthikā mamala varna mangala sharīrinīm
āgamā vayava shobhinī makhila veda sārakruta shekharīm |
mūlamantra mukha mandalām muditanāda bindu nava yauvanām
mātrukām tripura sundarīm manasi bhāvayāmi paradevatām || 8  ||

कालिका तिमिर कुन्तलान्त घन भृङ्ग मङ्गळ विराजिनीम्
चूलिका शिखर मालिका वलय मल्लिका सुरभि सौरभाम् |
फालिका मधुर गण्डमण्डल   मनोरहानन सरोरुहाम्
कालिकाम् अखिलनायिकाम्  मनसि भावयामि परदेवताम्  || 9  ||

kālikā timira kuntalānta ghana bhrunga mangala virājinīm
chūlikā shikhara mālikā valaya mallikā surabhi saurabhām |
phālikā madhura gandamandala manoharānana saroruhām
kālikā makhila nāyikām manasi bhāvayāmi paradevatām || 9  ||

फलस्तुतिः 

नित्यमेव नियमेन जल्पिताम्
भक्ति मुक्ति फलदामभीष्टिदाम्
शंकरेण रचितां सदा जपे
नामरत्न नवरत्नमालिकाम्

Phalastuthi:

Nityameva niyamena jalpatām
bhukti mukti phaladāmabhīshtadām
shankarena rachitām sadā japet
nāmaratna navaratna mālikām